மக்களே, இன்று தான் கந்த சஷ்டி (Nov-08)!
இன்றைய பாட்டாய் = திருச்செந்தூரின் கடலோரத்தில் செந்தில்நாதன் அரசாங்கம் (ஏற்கனவே இட்ட பாடல் தான்; ஆனா ஒவ்வொரு சட்டியின் போதும், இதை இடுவது வழக்கம், அம்புட்டுதேன்:)
ஆனா, அதுக்கு முன்னாடி... சூர சங்காரம் என்று "கதை"; அது எங்கு நடந்தது? = தமிழ் ஈழமா? திருச்செந்தூரா?
முருகன் சூரனை வதம் செய்ததாகப் பெரிதும் "சொல்லப்படுவது" திருச்செந்தூர் கடற்கரை!
ஒவ்வொரு ஆண்டும் கந்த சட்டியின் போது, செந்தூரில் வெகு விமரிசையாக நடக்கும் சூர சங்கார விழாவும் அப்படி ஒரு தோற்றத்தை ஏற்படுத்துகிறது!
ஆனால் கந்த புராணம் சொல்வது என்ன?
அம்மையப்பனிடம் வேல் வாங்கிய முருகன், தேர் ஏறித் தெற்கு நோக்கிச் செல்கிறார்.
விந்தியமலையின் அடிவாரத்து மாயாபுரத்தைத், தாராகாசுரன் ஆண்டு வருகிறான். இவன் சூரனின் தம்பி.
கிரெளஞ்சம் என்னும் பெரிய மலையாய் உருமாறி இவன் வழிமறிக்க,
வீரபாகுத் தேவர் அவனுடன் போர் புரிகிறார்.
ஆனால், வீரபாகுவும், முருகனின் சேனையும், அந்த மலைக்குள் மாட்டிக் கொள்கின்றனர்!
தாரகன் முருகனோடு நேரடியாக மோதவில்லை!
எனினும் அன்பர்கள் மாட்டிக் கொண்டதால், முருகன் கூர் வேலை அவன் மேல் எறிய, மலை பிளந்து, தாருகன் அழிகிறான்.
அனைவரும் மலைச்சிறையில் இருந்து விடுபடுகின்றனர்.
சூரபத்மன் இந்தச் சேதி கேட்டு நடுக்குறுகிறான்.
எதிரிப் படை பலம் வாய்ந்ததோ என்ற ஐயம் முதன்முதலாக அவனுக்கு வருகிறது.
முருகனின் சேனையைக் கணக்கிட உளவுப்படையை அனுப்பி வைக்கிறான்.
மன்னி ஆற்றங்கரையில், சிவபிரானுக்கு ஆலயம் எழுப்பச் சொல்லித் தேவ தச்சனைப் பணிக்கிறார் முருகப் பெருமான்.
ஈசனும் முருகனுக்கு முன்னே தோன்றி, பாசுபதம் என்னும் அஸ்திரம் அளிக்கின்றார்.
பின்னரே திருச்செந்தூர் நோக்கி மொத்தப் படையும் கிளம்புகிறது.
பராசர முனிவரின் ஆறு புதல்வர்கள், முருகனைச் செந்தூரில் கண்டு, வீழ்ந்து வணங்குகிறார்கள்.
புதிதாகக் கட்டப்பட்ட ஆலயத்தில் அமர்ந்து,
தேவ குருவான வியாழனிடம் (பிரகஸ்பதி), சூரபத்மனின் முழுக் கதையையும் சொல்லுமாறு கேட்கிறார் முருகன்.
அதன் பின்னரே வீரபாகுவை மட்டும் தூது அனுப்ப முடிவாகிறது!
தூது செல்லும் வீரபாகு முதலிலேயே சூரனைச் சந்திக்கவில்லை!
தேவ இளவரசன் "ஜெயந்தனைத்" தான் முதலில் போய்ப் பார்க்கிறான்!
ஜெயந்தனுக்கு ஆறுதல் சொல்கிறான் வீரபாகு!
அவனுடன் இருக்கும் மற்ற அமரர்களுக்கும் படைபலத்தைச் சொல்கிறான்;
பின்னரே, சூரன் அவைக்குச் சென்று தூது உரைக்கிறான்!
ஆனால் கொஞ்சம் கூடப் பிடி கொடா உள்ளத்தால் தூது முறிகிறது.
அப்போது ஏற்பட்ட கைகலப்பில் சூரனின் புதல்வர்கள் சதமுகன், வச்சிரவாகு இருவரும் வீரபாகுவால் கொல்லப்படுகிறார்கள்.
வீரபாகு திருச்செந்தூர் திரும்பி, முருகனிடம் தூது நிகழ்வுகளை முன் வைக்கிறான்.
முருகனும் இனி தாமதிக்கலாகாது என்று செந்தூரில் இருந்து இலங்கை செல்கிறார். ஈழத்தில், ஏமகூடம் என்னும் ஊரில் படைக்கலன்களுடன் தங்க, அங்கிருந்து தான் போர் துவங்குகிறது.
பானுகோபன் என்னும் சூரனின் மகன், நன்னீர்க் கடலில் முருகன் சேனையை ஆழ்த்த, அதை முருகன் முறியடிக்கிறார்.
வீரமகேந்திரபுரத்தில் பலப்பல மாயங்கள் செய்து போர் புரிகிறான் சூரன்.
கடலாய், இருளாய் மாறி மாறிச் செய்யும் போர் எதுவும் உதவாமல் போக,
கடைசியில் வெறுத்துப் போய், கடலுக்கு அடியில் ஒரு மாமரமாய் நிற்கிறான்.
கூர் வேல் சூரனைப் பிளந்து.....சேவலும் மயிலுமாய் ஆக்குகிறது.
சூரசங்காரம் நடந்து முடிகிறது!
சூரனின் மொத்த கிளையும், உற்றார் உறவோடு, அத்தனை பேரும் அழிகிறார்கள்!
முருகனின் ஆணைப்படி, வருணன் மொத்த ஊரையும் கடலுக்கு அடியில் மூழ்கடிக்க, அசுர குலமே மூழ்கிப் போகிறது;
வெற்றித் திருமகனாய், முருகப் பெருமான் திருச்செந்தூர் திரும்புகின்றார்.
இப்படிச் சூரனை அழித்த மனக்கேதம் தீர்க்க, முருகன் மனம் எண்ணுகிறது!
செந்தூரில் போருக்கு முன்னரே கட்டப்பட்ட ஈசனின் ஆலயத்தில், கைகளில் ஜபமாலையோடு, சிவ பூசை செய்கிறார் முருகன்.
இந்தக் கோலமே நாம் இன்றும் திருச்செந்தூர் கருவறையில் காண்பது!
கைகளில் ஜப மாலையுடன் செந்தூர் மூலத்தானத்து முதல்வன் நிற்க,
சற்று எட்டிப் பார்த்தால், கருவறைக்குள் சிவலிங்கமும் தெரியும்! ஆக, "கதைப்படி", சூரசங்காரம் நடந்தது ஈழத்தில் தான்! ஏமகூடம் என்ற ஊர் இப்போது இலங்கையில் எங்கு இருக்கு? யாரேனும் அறியத் தாருங்கள்!
திருச்செந்தூரில் நடித்துக் காட்டப்படும் சூர சங்காரம் மிகப் பிரபலமானதால், பலருக்கும் திருச்செந்தூரில் தான் போர் நடைபெற்றது என்ற நினைப்பு வந்து விடுகிறது!
திருச்செந்தூர் மட்டுமல்லாது, பல முருகன் ஆலயங்களிலும், ஏனைய ஆறுபடை வீடுகளிலும் கூடச் சூர சங்காரம் நடித்துக் காட்டப்படுகிறது! ஆனால் சூர சங்காரம் நடந்தது ஈழத்தில் தான்!
இது ஈழத்துக்கும், முருகனுக்குமே உள்ள தொடர்பு....
இன்றைய சட்டிப் பாடல்...
= திருச்செந்தூரின் கடலோரத்தில் செந்தில்நாதன் அரசாங்கம்!
சீர்காழியும், TMS-உம் ஒருவருக்கு ஒருவர் சளைக்காமல், உச்ச குரலில், உணர்ச்சி ஒருமித்துப் பாடுவது!
திருச்செந்தூரின் கடலோரத்தில் செந்தில்நாதன் அரசாங்கம் தேடித்தேடி வருவோர்க்கெல்லாம் தினமும் கூடும் தெய்வாம்சம்!
அசுரரை வென்ற இடம் - அது தேவரைக் காத்த இடம் ஆவணி மாசியிலும் - வரும் ஐப்பசித் திங்களிலும் அன்பர் திருநாள் காணுமிடம்! அன்பர் திருநாள் காணுமிடம்! கோவிலின் அருகினில் கூடிய கூட்டங்கள், தலையா கடல் அலையா? குழந்தைகள் பெரியவர் அனைவரை இழுக்கும், குமரனவன் கலையா? மங்கையரின் குங்குமத்தைக் காக்கும் முகம் ஒன்று வாடுகின்ற ஏழைகளைக் காணும்முகம் ஒன்று சஞ்சலத்தில் வந்தவரை தாங்கும்முகம் ஒன்று சாதிமத பேதமின்றிப் பார்க்கும்முகம் ஒன்று நோய்நொடிகள் தீர்த்துவைக்கும் வண்ணமுகம் ஒன்று நூறுமுகம் காட்டுதம்மா ஆறுமுகம் இங்கு!
நண்பர் ஒருவரின் மடிக்கணினியில் இருந்து நிறைய பாடல்களை என்னுடைய பென் டிரைவிற்குச் சில வாரங்களுக்கு முன் மாற்றிக்கொண்டு வந்தேன்.
நேற்று இந்தப் பாடலைக் கேட்கும் வாய்ப்பு கிட்டியது. கையில் இருந்த வேலையை அப்படியே வைத்துவிட்டு முழுதும் கேட்டபிறகு வேலையைத் தொடர்ந்தேன்.
சூலமங்கலம் சகோதரிகளின் குரலில் ஒரு அருமையான மெலடி.
பழனி என்னும் ஊரிலே பழனி என்ற பேரிலே பவனி வந்தான் தேரிலே பலனும் தந்தான் நேரிலே - முருகன் பலனும் தந்தான் நேரிலே பழமுதிரும் சோலையிலே பால்காவடி ஆடி வர தணிகைமலைத் தென்றலிலே பன்னீர்க் காவடி ஆடிவர சாமிமலைக் கோயிலிலே சக்கரைக் காவடி ஆடிவர செந்தூரின் வாசலிலே சந்தனக் காவடி ஆடிவர
(இதே படத்தில், சிற்பி செதுக்காத பொற்சிலையே, மிக அழகான Melody பாடல், கேட்டுப் பாருங்கள்..)
தியாகய்யா, பக்த ராமதாசு -ன்னு ஆரம்ப காலத்தில் மிக அதிக சம்பளம் வாங்கிய நடிகர் = நாகையா
வயதான பின்..
நாகையா நடிக்காத பெரும் படங்களே இல்லை எனலாம்! அதுவும் நடிகர் திலகம் சிவாஜியோடு!
*சம்பூர்ண ராமாயணத்தில் தசரதன் ஆகட்டும் - சிவாஜி பரதன்
*தில்லானா மோகனாம்பாளில் குரு - சிவாஜி சிக்கல் சண்முகசுந்தரம்
தெனாலி ராமன், பாவ மன்னிப்பு,
ஆலய மணி, பச்சை விளக்கு...
தியாகய்யர், பக்த ராமதாசு போன்ற படங்களில் தானே இசையமைத்து, பாடியும் இருக்காரு நாகையா!
Legends எனப்படும் விழுமம்!
அவர்களை அறிந்து கொள்ள, நமக்கு வயாசாகிப் போகத் தேவையில்லை; அதுவும் Internet யுகத்தில்!
வள்ளுவரைப் படித்தால் வயசாகி விட்டதா என்ன?
இசைஞானி இளையராஜா, ரஹ்மான் புகழ் பாடும் வேளையிலே...
தமிழ்ச் சினிமாவின் இசை மேதைகள் = ஜி.ராமநாதன், கேவி மகாதேவன், எம்.எஸ்.விஸ்வநாதன் என்று விழுமங்களையும் அறிந்து கொள்வோம்!
பார்த்திபன் கனவு -ன்னு ஒரு நாவல்!
அமரர் கல்கி எழுதி, பின்பு திரைப்படமா எடுத்தாங்க;
"தமிழ் - தெலுங்கு - சிங்களம்" -ன்னு மும் மொழிகளில் வந்த முதல் படம் (1960);
மாமல்லபுரம் சிற்பங்கள் அமைக்கும் காட்சியெல்லாம் காணலாம்!
Ponniyin Selvan Fame ஓவியர். மணியம் தான், படத்தின் கலை இயக்குநரும் கூட!
படத்தில் அப்பர் பெருமான் கூட வருவாரு!
பிள்ளைக் கறி தந்த பரஞ்சோதி/ சிறுத்தொண்டர், தான் அவ்வாறு செய்தது "தவறு" -ன்னு ஒப்புக் கொள்ளும் படமும் கூட:)
சிவகாமியின் சபதம் -நாவலில் வரும் கதாபாத்திரங்கள் தான்; ஆனா கதைக்களம் வேற!
கரிகால் பெருவளத்தானின் சோழ மரபில் வந்த பார்த்திபன்;
பல்லவ ஆட்சியில் இருந்து விடுதலை பெற்று, "தனிச்சோழம்" காணவேண்டும் என்பதே அந்தப் பார்த்திபனின் கனவு;
ஆனால் போதுமான படைபலம் இல்லை;
பின்னாளில்.. அவன் மகன் விக்கிரமன், பல்லவனின் மகளையே காதலித்துக் கைப்பிடித்து, அந்தக் கனவையும் நனவாக்குகிறான்!
சோழன் கனவு நனவாகப், பல்லவனே (நரசிம்ம வர்ம பல்லவனே) பலப் பல உதவிகள் செய்கிறான்:)
இது போன்ற "வரலாற்றுத் திரிபு"களுக்கு, கல்கியைப் பிலுபிலு என்று பின்னாளில் பிடிச்சிக்கிட்டாங்க!:)
ஜெமினி, கணேசன் வைஜயந்திமாலா,
ரங்காராவ், வீரப்பா, பாலைய்யா, அசோகன்,
(ஆரம்ப கால) சரோஜா தேவி, ராகினி, குமாரி கமலா
-ன்னு ஒரு நட்சத்திரப் பட்டாளமே உண்டு!
பாடகர்களும் = நட்சத்திரப் பாடகர்களே;
பி.சுசீலா, பி.லீலா இவர்களுடன் சேர்ந்து கொண்டது = பிரபல மேடைப் பாடகி, ML வசந்தகுமாரி!
ஆயனாரின் மகள் சிவகாமியாக = குமாரி கமலா ஆட..
அதற்கு MLV பாடும் பாட்டே = இன்றைய பாடல்!
வள்ளியின் முருகக் கனவை, ஆயன் மகள் ஆடிக் காட்டுகிறார்! பாருங்கள்!
அந்தி மயங்குதடி, ஆசை பெருகுதடி கந்தன் வரக் காணேனே வண்ண மயிலே, வண்ண மயிலே
ஏக்கத்தால் படிந்துவிட்ட தூக்கமில்லாத் துன்பத்தைக் கொத்தி எடுத்திடவே, உதடு அவரைத் தேடுதடி
(அந்தி மயங்குதடி
வண்ண மயிலே, வண்ண மயிலே)
தாகத்தால் நாவறண்டால் தண்ணீரால் தணியுமடி இதயம் வறண்டுவிட்டால் எதைக்கொண்டு தணிப்பதடி? கள்ளச் சிரிப்பாலே கன்னத்தைக் கிள்ளிவிட்டு அள்ளி அணைத்திடவே, அவர் வரக் காணேனே
(அந்தி மயங்குதடி
வண்ண மயிலே, வண்ண மயிலே)
குரல்: M.L. வசந்தகுமாரி
வரி: விந்தன்
இசை: வேதா
படம்: பார்த்திபன் கனவு
முருகனின் செவ்வாயில் இட வேண்டிய பதிவு;
ஆனா மருத்துவமனையில் இருந்தேன்;
நேற்றே வீடு வந்து சேர்ந்தேன்; அதான் வெள்ளியில் வருது; தாமதத்துக்கு மன்னிக்க:)
மதுரை சோமு -ன்னாலே நினைவுக்கு வரும் பாடல்:
தெய்வம் படத்தில் - மருதமலை மாமணியே முருகய்யா தான்!
அந்தப் பாட்டின் வரிகளும், வேகமும்,
கனத்த குரலின் உருக்கமும், அப்படியே ஆளைக் கட்டிப் போடும்!
ஆனால் அதே மதுரை சோமு, தேவர் பிலிம்ஸின், சஷ்டி விரதம் என்கிற இன்னொரு படத்திலும் பாடி இருக்காரு! அதான் இன்றைய பாடல்!
அடிப்படையில் மதுரை. சோமசுந்தரம் (எ) சோமு = கர்நாடக இசைக் கலைஞர்;
வேறு சில முருகன் பாடல்களும் பிரபலம் தான்!
ஆனால் அவை கச்சேரிப் பாடல்கள்; சினிமாப் பாடல்கள் அல்ல! - என்ன கவி பாடினாலும், நினைக்காத நேரமில்லை முருகா - போன்ற பாடல்கள்!
இந்தப் படத்தைப் பார்த்தால், திருச்செந்தூர் ஆலயத்தின் பல உள் நிகழ்வுகளைத் தெரிஞ்சிக்கிடலாம்;
அப்படிச் செந்தூர் அலயத்துக்குள்ளேயே சுத்திச் சுத்தி வரும் காட்சிகள்!
இந்தப் பாடலில், திருச்செந்தூர்க் கோயிலின் குடமுழுக்கு விழாவையும் காட்டுவார்கள்; கண்டு களியுங்கள்!
பாடலின் காணொளிச் சுட்டி இதோ: http://www.youtube.com/watch?v=C7ByT4Oa3qc (cannot be embedded)
கேட்டுக் கொண்டே வரிகளைத் தட்டச்சினேன்; சில இடங்களில் சிற்சில சொற்கள் புரியவில்லை; கேட்போர் திருத்தி உதவவும்; நன்றி!
(நினைத்திருந்தேன் - நானும் உன்னை நினைத்திருந்தேன் கும்பிட்டால் காத்தருளும் குமரனுக்குக் குடமுழுக்கு! ஈராறு வருடம் அதில் ஓர்முறை தான் பாருங்கள் சீராரும் செந்தூரின் சந்நிதிக்கே வாருங்கள்)
துணைவன், வழித் துணைவன், வாழ்க்கைத் துணைவன்!
திக்கற்ற பேர்க்கெல்லாம் தக்கநலம் புரியும் அழகன் முருகன் - எழில் குன்று தோறும் நின்றிருக்கும் குமரன்
(துணைவன் வழித் துணைவன்)
------------------------ தாய்க்குத் தாயான தெய்வம் அவன் தந்தைக்குக் குருவான பிள்ளை அவன் வாய்க்கு உணவாக, விழிக்கு ஒளியாக நோய்க்கு மருந்தாக, நல்லருள் விருந்தாக..
உதவும் தலைவன் - அன்பர்க்கு என்றும் பூத்து கண்ணில் நிற்கும் குமரன்
(துணைவன் வழித் துணைவன்)
------------------------ மந்திர நீர்க்குடம் மண்டபம் அங்கு விளங்க மங்கல வாத்தியம் தத்தள ஓசைகள் முழங்க செந்தூர் அழகனின் சந்நிதி பூஜைகள் தொடங்க கச்சிக் குமாரனை வக்ர கணங்கள் வணங்க
"ஓடும் நதி" -ன்னு ஒரு படம்; MSV Music;
ரவிச்சந்திரன் - சரோஜா தேவி நடிச்சது! அதிலிருந்து ஒரு முருகன் பாட்டு இந்தச் செவ்வாய்க்கிழமை:)
வயலூர் = மிக அற்புதமான முருகத் தலம்!
கோயில் சிறுசு தான்; ஆனா சூழ் வயல்கள் பெருசு!
ஏழ் தலம் புகழ் காவேரியால் விளை சோழ மண்டல மீதே மனோகர ராஜ கம்பீர நாடாளும் நாயக - "வயலூரா" -ன்னு திருப்புகழ்!
அந்தத் "திருப்புகழ்" -ன்னு அமைப்பு உருவானதே இந்த வயலூரில் தான்!
குன்றத்தில் கோயில் கொண்ட நம்பி நம்பி எங்கள் குடும்பம் இருப்பது உன்னை நம்பி நம்பி பெண்ணுடனே பிறந்த தங்கை தம்பி - தன்னை என்னுடன் காவல் கொண்டேன் உன்னை நம்பி
கடந்ததும் நடந்ததும் கந்தன் விளையாட்டு காலங்கள் யாவிலும் நல்ல வழி காட்டு உள்ள துன்பம் யாவும் இல்லை எனும்போது உன்னையன்றி யாரை நம்பும் இந்த மாது?
நெஞ்சம் உருகாதா கொஞ்சு தமிழ் வேலா? நெஞ்சம் உருகாதா கொஞ்சு தமிழ் வேலா?
சந்தனம் குங்குமம் சிந்தும் வயலூரா ஓம் எனும் மந்திரம் சொல்லி வரும் வேலா மஞ்சள் முகம் பார்த்து பிள்ளை மொழி கேட்டு மன்னன் மணிக் கைகள் "அஞ்சல்" என்று காட்டு!
நெஞ்சம் உருகாதா கொஞ்சும் வயலூரா நெஞ்சம் உருகாதா கொஞ்சும் வயலூரா
படம்: ஓடும் நதி
குரல்: பி.சுசீலா
வரி: கண்ணதாசன்
இசை: MSV
காலை, மாலை -ன்னு..
ஒவ்வொரு பொழுதாக, முருகனை அடுக்கும் பாட்டைக் கேளுங்க!
காலை இளம் கதிரில் உந்தன் காட்சி தெரியுது கடல் அலையில் மயில் எழுந்து நடனம் புரியுது!
(காலை இளம் கதிரில்)
கடல் அலையில் மயில் எழுந்து நடனம் புரியுது கலையாதது நிலை ஆகுது கதி ஆகுது!
(காலை இளம் கதிரில்)
மாலை வெயில் மஞ்சளிலே உன் மேனி மின்னுது - அந்தக் கோலம் கண்டு உள்ளம் கொள்ளை உறுதி கொள்ளுது குமரா உனை மனம் நாடுது; கூத்தாடுது!
(காலை இளம் கதிரில்)
சோலை மலர்க் கூட்டம் உந்தன் தோற்றம் கொள்ளுது - சிவ சுப்பிரமண்யம் சுப்பிரமண்யம் என்று சொல்லுது சுகம் ஆகுது! குக நாமமே! சொல் ஆகுது!!
(காலை இளம் கதிரில்)
வேலை ஏந்தும் வீரம் வெற்பு சிகரம் ஆகுது "வெற்றி வேல், சக்தி வேலா" என்றே சேவல் கூவுது "சக்தி வேல் சக்தி வேல்" என்றே சேவல் கூவுது வினை ஓடுது! வடி வேல் அது, துணையாகுது!!
(காலை இளம் கதிரில்)
பார்க்கின்ற காட்சியெல்லாம் நீயாகவே நான் பாடுகின்ற பாட்டெல்லாம் நினக்காகவே உருவாகுது திருவாகுது குருநாதனே முருகா ...
(காலை இளம் கதிரில்)
ஒடனே.. நண்பர்கள் சிலர், ராஜா (எ) கடலில் மூழ்கி,
மூச்சடக்கி, முத்துக் குளித்து,
6->9 ஆக்கி, சில அழகிய முத்துக்களை எடுத்துக் கொடுத்தனர்:)
So.. இளையராஜா-முருகன் = 9 songs!
பதிவின் இறுதியில், ஒரு பட்டியலாய் இட்டு வைக்கிறேன்! போதுமாய்யா?:)
பெண் ஜென்மம் (எ) பழைய படம் பார்க்க நேரிட்டது;
அதன் விளைவு: ஒரே Family சினிமாவில் = இரண்டு முருகன் பாடல்கள்!
*முதற் பாடல் = சென்ற வாரம்
*இரண்டாம் பாடல் = இந்த வாரம்!
இன்றைய செவ்வாய், ஒரு கதா காலட்சேபம்!
= செய்வது: பி.சுசீலா
என்ன வியப்பா இருக்கா?:) இளையராஜா செய்து வைக்கும் = வள்ளித் திருமணம்!
vaLLi kodi - creeper
வள்ளித் திருமணம் = சங்கத் தமிழில் ஊறி விட்ட ஒன்னு!
கொடிநிலை கந்தழி வள்ளி -ன்னு தொல்காப்பியம்!
கந்து (எ) நடுகல்லில் படர்ந்த வள்ளிக் கொடி
= தமிழ்த் தொன்மத்தின் "யாரோ"
= குடி காத்த முன்னோர்கள்! ஆணும்-பெண்ணுமாய்!
விநாயகர், நாரதர் எல்லாம் பின்னாள் சம்ஸ்கிருதக் கலப்பு;
இந்தக் கலப்பெல்லாம் இல்லாமலேயே, வள்ளித் திருமணம் = உள்ளம் உருக்குவது!
வள்ளி:
= முல்லை நில நடுகல், திருமாலின் மகள்!
= குறிஞ்சி நில முருகன் மேல் மாறாத காதல், தீராத அன்பு!
மாயோனின் செல்வ மகள், காடு மேடு எல்லாம் அலைகிறாள்!
இத்தனைக்கும் முருகன் அவளிடம் ஆசையாக ஒரு வார்த்தை கூடப் பேசியதில்லை! முன்னே-பின்னே நெருங்கிப் பார்த்ததும் இல்லை!
இப்படித், தான் பார்க்காத ஒரு முருகனுக்காக...
பார்க்கும் எல்லா மாப்பிள்ளையும் தட்டிக் கழித்தாள்...
சில சமயம் வீரத் தமிழச்சியாய், விரட்டவும் விரட்டினாள்! :)
* முருகன் தன்னைக் காதலிக்கிறானா? = தெரியாது...
* இது கைக்கிளையா? one-sided? = தெரியாது...
* முருகன் வருவானா? = தெரியாது...
= இருப்பினும், "வேறு எங்கும் அகம் குழைய மாட்டேனே"!
காடு - மேடு - குகைகள் தோறும்,
கால் தேயத் தேய,
மனமும் தேயத் தேய..
அதனால் தான் முருகன், "தேய்ந்த போன வள்ளி" - அவள் பாதத்தை இன்றும் பிடித்து விடுகிறான்!
என்னாது? பொம்பளை காலை, ஆம்பிளை, சதா பிடிச்சி விடுவதா?
காதல் பாதங்களுக்கு, முருகன் செய்யும், "பாதுகா பட்டாபிஷேகம்"! பாதம் வருடிய மணவாளா! பாதம் வருடிய மணவாளா!
வள்ளியின் காதல் = "கைக்கிளை" -ன்னு சொல்ல மனசு வருமா?
கைக்கிளை = Not Just one-sided Love!
முல்லை/ குறிஞ்சி அகத் திணைகளுக்கும் = முற் சொல்லப்படுவது கைக்கிளையே! = ஏன்?
Try reading tholkaapiyar's heart & sangam landscape = here
இதுவே வள்ளித் திருமணம்! அவன் வருவானா?-ன்னு கூட அறியாது,
* அவள் = அவனே அவனே!
* அவனுக்கு = அவளே அவளே!
பொதுவா, வள்ளித் திருமணத்தைத் தொடாத, சொற்பொழிவாளர்களே இல்லை! (சம்ஸ்கிருதம் கலந்து தொட்டாலும்)
வாரியார் முதற்கொண்டு..., புலவர் கீரன், தேச மங்கையர்க்கரசி, நாகை முகுந்தன் -ன்னு பலரும் தொடும் Topic!
அதைச் சுசீலாம்மா தொட்டால்? பாட்டுக்கு அரசி = கதா காலட்சேபத்துக்கும் அரசி ஆகிறார்:))
முருகன் பாமாலை (எ) Album - அதில், சுசீலாம்மா, முருகன் வரலாற்றைப் பாட்டாத் தான் பாடுவாங்க! ஆனா, கதா காலட்சேபமாக???
= வாரியார் போல் செய்து காட்டும் வாய்ப்பு?
= இளையராஜா உருவத்தில் வந்தது!
அழகிய விழி வண்ணம், மழைநிகர் குழல் வண்ணம் உனக்கெனவே பிறந்தாள் அந்த மட அன்னம்! கண்டேன், கனியொன்று கண்டேன்
(வள்ளியின் வடிவழகை நாரதர் சொல்லக்கேட்டு.. வேலவன் வேடனாகக் கோலம் பூண்டான்; மானைத் தேடும் பாவனையில், மங்கை வள்ளி இருக்கும் தினைப் புனத்தினுக்கு வந்து சேர்ந்தான்)
எந்த மான்? தேடி வந்த மான்? (- என்று வள்ளி கேட்க...) மேயாத மான் - புள்ளி மேவாத மான்
பாயும் நடையழகும், பின்னல் நடையழகும் கண் கவரும் முகமும் இதழும் - பொன் செங் கமலம் எனவே திகழும் - தனில் அந்தம் மிகுந்திட வந்து பிறந்தது... மேயாத மான்...
(அவன் சொன்ன மான், இந்தக் கன்னி மான் என்று கண்டு கொண்ட வள்ளி, சினந்தாள், சீறினாள்)
மானைத் தேடி வந்த வேடா அடடா மூடா - சரி தான் போடா - உன் கள்ளத்தனம் என்னவென்று கண்ணிரண்டும் காட்டுகையில் எள்ளத்தனை கள்ளத்தனம் என்னிடம் செல்லுமோடா? - அட மானைத் தேடி வந்த வேடா!
(உடனே வேடனாய் இருந்த வேலன், மர வேங்கையாய் மாறி, வள்ளியைத் தொடர்ந்து வந்து..)
ஆவியே, என் ஆருயிர் சஞ்ஜீவியே, மன்மதன் என்னும் பாவியே, மலர்க் கணைகள், தூவியே வாட்டுறான் கண்ணே! ஆயல் ஓட்டும் பெண்ணே! - பெண்ணே! பெண்ணே!
(வள்ளி என்ன இந்தக் காலத்து Modern Girlஆ, சரியென்று உடனே சொல்ல? சாரியென்று மறுத்து விட்டாள்; வாலிப முருகன் உடனே வயோதிகன் ஆனான்! வள்ளி குடுத்த தினை மாவைத் தின்ற அந்தத் தாத்தாவுக்கு..)
(வள்ளி பாத்தா, அடி ஆத்தா, இவர் பொல்லாத தாத்தா என்று வள்ளி வெறுக்க... ஆறுமுகன், அண்ணன் ஆனைமுகனை அழைத்தார்; வள்ளி பயந்து, திருமணத்துக்கு ஒப்புக் கொண்டாள்; யானை விலகிப் போயிற்று)
ஏய்ச்சுப் புட்டேனே தாத்தா ஏய்ச்சுப் புட்டேனே!
(மறுபடியும் யானையை முருகன் அழைக்க, அது தும்பிக்கையால் வள்ளியைத் தூக்கிப் போட.. அவள் முருகாஆ, முருகாஆ என்று அலற, வள்ளியை முருகன் வாங்கிக் கொண்டான், கையில் தாங்கிக் கொண்டான்; மனம் போல் முருகனை வள்ளி மணந்து கொண்டாள்!)
வள்ளியம்மை நாதனுக்கும் புள்ளி மயில் வேலனுக்கும் மங்களம், சுப மங்களம்! மங்களம், சுப மங்களம்!
(பாட்டைக் கேட்டுக் கொண்டே தட்டச்சியது;
பிழைகள் இருப்பின், தயங்காது சுட்டிக் காட்டவும்; திருத்தி வைக்கிறேன்- நன்றி)
படம்: பெண் ஜன்மம்
வரி: வாலி
குரல்: ஜேசுதாஸ், பி. சுசீலா
இசை: இளையராஜா
*கதா காலட்சேப மெட்டில் = இளையராஜா இசை
*கதா காலட்சேப மெட்டில் = சுசீலாம்மா பாடல்
= இது அபூர்வம்!
Ilayaraja's Autograph on his Ramana Maalai CD, as he presented to P Susheela
பொதுவா...
முருகனைப் பற்றிய இளையராஜா பாடல்கள் மிகவும் குறைவு (சினிமாவில்)
தனிப்பட்ட Album-களில், இசைஞானி அவர்கள், சில பல பாடி/ இசையமைத்து இருக்கலாம்!
(கீதாஞ்சலி Album - முருகனை நினை மனமே)
ஆனால் சினிமாவில்?
1. மகராசன் படத்தில் - எந்த வேலு வந்தாலும், கந்த வேலு முன்னாலே சரணம் சரணம் - மலேசியா & சித்ராபாடியது
2. கவரிமான் படத்தில் - சொல்ல வல்லாயோ கிளியே? - பாரதியார் எழுதி, வரலட்சுமி அம்மா பாடியது
3. தம்பி பொண்டாட்டி படத்தில் - ஏறு மயில் ஏறி விளையாடும் முகம் ஒன்றே - அருணகிரிநாதர் பாடல் - மின்மினி/ பிரசன்னா பாடியது
வள்ளி வள்ளி என வந்தான் என்ற "பொதுவான" பாட்டும் உண்டு!
But, இவ்ளோ தான் "ராஜா-முருகன்" கூட்டணியா?:(
அல்ல!
பெண் ஜென்மம்!
அண்மையில் ஒரு தேடலில், அபூர்வமான ராஜா பாடல் ஒன்னு கிடைச்சுது = ராஜா & சுசீலாம்மா Solo
நீண்ட நாள் கழிச்சிக் கேக்குறேன்; மிக்க இனிமை!
ஒரு கோயிலின் இரு தீபங்கள், இரு வேறு திசை பார்ப்பது என்ன? ஒரு பாடல் தான் நாம் பாடினோம்; இறு வேறு இசை கேட்பதென்ன?
This song is very close to my feelings!
ஆனா, அப்படியே நூல் பிடிச்சிப் போனாக்கா.....
Wow! அதே படத்தில் = 2 முருகன் பாடல்கள்!
Dei Loosu Muruga, two more Raja Songs for u da!:)
Someone lucky to have u, my honey:) .. And you are lucky to have Raja Songs = 6 in total:))
பெண் ஜென்மம் என்ற படம்!
ராஜாவின் அபூர்வங்களில் ஒன்று! ஆனா இந்தப் படம் பேசப்படாமலே போனது ஏனோ?
*"ஓய் மாமா" என்ற ஜானகி பாடலும் உண்டு, with SPB:)
*சுசீலாம்மா பாடலும் உண்டு, with Yesudass
இது ஆரம்ப இளையராஜா! அதனால் MSV வாடை அடித்தாலும் அடிக்கலாம்:)
ஆனா, Tabla & Guitar காட்டிக் கொடுத்துரும்!
பாடலின் சரணம் அழகோ அழகு! = வள்ளி மான் - புள்ளி மான்!
செம்மான் மகளைத் திருடும் திருடன் என்ற அநுபூதி போலவே வரும்!
ஒரே படத்தில் = 2 முருகன் பாடல்கள், ராஜ இசையில்:
1. செல்லப் பிள்ளை சரவணன் - Susheelamma & Yesudass
2. வண்ணக் கருங்குழல் வள்ளி - Susheelamma
இரண்டாம் பாட்டில், இளையராஜா சொல்லித் தரச், சுசீலாம்மா, ஒரு கதா காலட்சேபமே பண்ணுறாங்க:)
So different :)) மேயாத மான்! = அதை, அடுத்த வாரம் பார்ப்போம்!
இன்னிக்கி "செல்லப் பிள்ளை சரவணனுக்கு" hai சொல்லுவோமா?:) வாங்க....
செல்லப் பிள்ளை சரவணன் திருச் செந்தூர் வாழும் சுந்தரன்! கோபத்தில் மன ஸ்தாபத்தில் குன்றம் ஏறி வந்தவன்!!
(செல்ல)
ஊஞ்சலில் கொஞ்சம் ஆடுவான் - பின்பு ஊடலில் கொஞ்சம் ஆடுவான்! கூந்தலில் மலர் சூடியே - அவன் கூட நான் வர வேண்டுவான்! மயங்கி நான் மெல்லத் தடை சொல்ல சினம் கொள்வான்!!
செல்லப் பிள்ளை சரவணன் திருச் செந்தூர் வாழும் சுந்தரன்! வள்ளியை இன்ப வல்லியை அள்ளிக் கொண்ட மன்னவன்!
(செல்ல)
மாலையில் ஒரு மல்லிகை - என மலர்ந்தவள் இந்தக் கன்னிகை! மன்மதன் கணை ஐவகை - அதில் ஓர் வகை இவள் புன்னகை!!
இடை துவள கலை பயில
(செல்ல)
கார்குழல் உந்தன் பஞ்சணை - இரு கைகளே உந்தன் தலையணை! வேலவன் கொஞ்சும் புள்ளி மான் - அதன் வடிவம் தான் இந்த வள்ளி மான்!
அருகில் நான் வந்தேன்.. இதழ்ச் செந்தேன் இதோ தந்தேன்
(செல்ல)
படம்: பெண் ஜன்மம்
வரி: வாலி
குரல்: ஜேசுதாஸ், பி. சுசீலா
இசை: இளையராஜா
ராகம்: மாண்ட்
Ilayaraja's Autograph on his Ramana Maalai CD, as he presented to P Susheela
* "கந்தன் கருணை" மாஸ்டர் ஸ்ரீதர் = சாட்சாத் சிவபெருமானையே, கொஞ்சம் ஓவராப் பேசுவாரு:)
* ஆனால், "அகத்தியர்" ஸ்ரீ தேவி = அப்பாவி முருகனாய், "இப்ப என்ன நாரதரே செய்யலாம்?" -ன்னு ஏக்கமாய்க் கேட்கும் காட்சி:)
என் முருகன் = ஓவராப் பேசுறவனா?
(அ) அப்பாவி-செல்லம்-புஜ்ஜூ-ஜூஜ்ஜூ வா?:)))
IMHO, Sridevi is very apt for My Murugan Darling!
பெரியவர்களில்: சிவகுமார் முருகன் பொருத்தம்!
கண்ணனுக்கு எப்படி ஒரு NTR அமைஞ்சாரோ, முருகனுக்கு அப்படி ஒரு சிவாஜி அமையவில்லை!
எனினும், இருப்பவர்களில்... சிவகுமார், கொஞ்சம் நன்கு பொருந்தி வருவாரு!
பேசாம, என் அபிமான நடிகை.. சிலுக்கே முருகனா நடிச்சீறலாம்:) சிலுக்கின் கண்ணும் = முருகன் வேலும் ஒன்னு தான்:))
ஆனால், சிலுக்கை முருகனா நடிக்க, ஆச்சாரக் காராள் விடுவாங்களோ என்னமோ?
சிவகுமாரையே, பல நிபந்தனைகளின் பின், முருகனா நடிக்க விட்டவங்களாச்சே:)
வாங்க, இன்னிக்கி "அப்பாவி முருகன் - ஸ்ரீ தேவி முருகனைப்" பார்ப்போம்:)
மலை நின்ற திருக்குமரா மால்மருகா - தமிழ்க் கலை தந்த தவச்செல்வா வேல்முருகா!
(மலை நின்ற)
அலைபாயும் மனம் யாவும் உன்னிடம் நாடும் நிலையான பேரின்ப அருள் வந்து கூடும்!
(மலை நின்ற)
தலைவா உன் புகழ்பாடும் அறுபடை வீடு விளையாடும் விளையாட்டில் உனக்கில்லை ஈடு!
(மலை நின்ற)
படம்: அகத்தியர்
வரி: உளுந்தூர்ப்பேட்டை சண்முகம்
குரல்: TR மகாலிங்கம்
இசை: குன்னக்குடி
பாட்டெல்லாம் நல்லாத் தான் இருக்கு! அழகான வீணை இசை..
ஆனா, மயிலு மேல நாரதர் எப்படி ஏறலாம்?
தமிழ் பாப் (Pop) இசைச் சக்கரவர்த்தி என்று புகழ் பெற்ற = சிலோன் மனோகர்;
AE Manoharan என்பதே முழுப் பெயர்;
சுராங்கனி - சினிமாப் பாடலாக அல்லாமல், Album பாடலாகப் பாடிப் புகழ் பெற்றவர்;
இன்னும் பல துள்ளல் பாடல்கள்:
அன்பு மச்சாளே என் ஆசை மச்சாளே, பிராந்தி பியர் விஸ்கி போடாதே... :))
அந்த ஈழக் கலைஞர், முருகன் மேல் பாடிய பாடல்
= மால் மருகா, எழில் வேல் முருகா! Pop Music Murugan!
அதுவே இன்றைய பாடலாக.. முருகனருள் வலைப்பூவில்!
என்ன திடீர்-ன்னு Pop இசை? -ன்னு பாக்காதீங்க!:)
ஈழத்தின் மிகப் பிரபலமான முருகன் ஆலயம் = நல்லூர்க் கந்தசாமிக் கோயில்! (யாழ்ப்பாணம்)
அங்கு நடைபெறும் 21 நாள் உற்சவம்.. இப்போது!
அதை முன்னிட்டே, இந்த நல்லூர் முருகன் பாடல்!
இந்த நல்லூர் முருகன் முன்பு தான், திலீபன்எனும் ஈழப் போராட்ட இளைஞன், உண்ணாவிரதம் இருந்து உயிர் நீத்தான்..
நல்லூர் முருகனை நினைக்கும் போதெல்லாம், திலீபன் நினைவும் எனக்கு வந்து சேரும்!
*கதிர்காமத்தில் பல பண்பாடுகளின் ஒத்திசைவு = பெளத்தம்/ இஸ்லாம்/ முருகன்!
"உருவாய் அருவாய்" என்பதில் அருவம்! காண முடியாது முருகனை! சித்திர முருகன் மட்டுமே!
*நல்லூரில் = தமிழ் மட்டுமே பரவும் முருகனைக் காணலாம்!
இன்று உருவ வழிபாடு வந்து விட்டாலும், ஈழத்தில் வேல் வழிபாடே மிகத் தொன்மையானது!
