சிற்றஞ் சிறுகாலே | முருகன் திருப்பாவை - 29

சிற்றஞ் சிறுகாலே செவ்வேளைச் சேவித்து...

(மாதவி நாச்சியார் மனமகிழ்ந்தருளிய)

முருகன் திருப்பாவை-29

(புராணக் கலப்பின்றித்.. தமிழ் மொழி அழகியல் மட்டுமே
சூடிக்கொடுக்கும் “புதிய” திருப்பாவை.

பல விகற்பத்தான் வந்த பஃறொடை வெண்பா 

’ஏலோ ரெம்பாவாய்’ நீங்கலாக)

29/30 | முருகா, எனக்கு நீயேநீ!

சிற்றஞ் சிறுகாலே செவ்வேளைச் சேவித்துக்

கற்றாபோல் நாங்கள் கசிந்துருகி நிற்கின்றோம்!

பெற்றாய், பெரியாய், பெருவாழ்வே, பெம்மானே,

மற்றேதும் வேண்டாம் முருகாநீ போதும்வா!

(மற்றே-எம் கொங்கை உனக்கே திருமுருகா)

இற்றைப் பறைமேலே கோவிந்தக் கந்தா-உன்

உற்ற உறவுக்குள் மூச்சாகிப் பேச்சாகி,

எற்றைக்கும் ஏழேழ் பிறவிக்கும் நீயேநீ!

மற்றைநம் காமங்கள் மாற்றேலோ ரெம்பாவாய்!   (29)

---

முருகன் திருப்பாவை தொடரும்..