அங்கண்மா ஞாலத்தில் | முருகன் திருப்பாவை - 22

அங்கண்மா ஞாலத்தில், நம்குறிஞ்சி ஊர்த்தலைவர்...

(மாதவி நாச்சியார் மனமகிழ்ந்தருளிய)

முருகன் திருப்பாவை-22

(புராணக் கலப்பின்றித்.. தமிழ் மொழி அழகியல் மட்டுமே
சூடிக்கொடுக்கும் “புதிய” திருப்பாவை.

பல விகற்பத்தான் வந்த பஃறொடை வெண்பா 

’ஏலோ ரெம்பாவாய்’ நீங்கலாக)

22/30 | குறிஞ்சியின் ஊர்த் தலைவர்கள், 

தலைவர்க்குத் தலைவனாம், முருகனைக் காணல்

அங்கண்மா ஞாலத்தில், நம்குறிஞ்சி ஊர்த்தலைவர்,

பங்கு குற-வெற்பன், வேல்-சிலம்பன், மா-பொருப்பன்,

கொங்குக் கொடிச்சி, தமிழ்ப்பறையன் தொல்குடிகள்,

இங்கு திரண்டுள்ளார் பாராய் திருமுருகா!

செங்கண் சிறுமாணிக்க மாதுளையின் முத்துக்கள்

தங்கும் விழியாலே எங்கள்மேல் வி்ழியாவோ!

கங்குல் கலைந்து, கவின்பெற்று யாம்வாழ,

எங்கள்மேல் கந்தா இழிந்தேலோ ரெம்பாவாய்!   (22)

---

முருகன் திருப்பாவை தொடரும்..