அன்று-இவ் உலகம் | முருகன் திருப்பாவை - 24
அன்று-இவ் உலகம் அளந்த குறள்போற்றி!
(மாதவி நாச்சியார் மனமகிழ்ந்தருளிய)
முருகன் திருப்பாவை-24
(புராணக் கலப்பின்றித்.. தமிழ் மொழி அழகியல் மட்டுமே
சூடிக்கொடுக்கும் “புதிய” திருப்பாவை.
பல விகற்பத்தான் வந்த பஃறொடை வெண்பா
’ஏலோ ரெம்பாவாய்’ நீங்கலாக)
24/30 | தமிழ்ப் போற்றி!
அன்று-இவ் உலகம் அளந்த குறள்போற்றி!
நன்றுசெய் காதலாம் எட்டுத் தொகைபோற்றி!
பன்னு தமிழ்பத்துப் பாட்டு மறம்போற்றி!
மன்னுசொல் கீழ்க்கணக்கு நாலின் அறம்போற்றி!
கன்றுசிறும் ஐந்துபெருங் காப்பியங்கள் சீர்போற்றி!
இன்றுமுள நம்மொழிக்குத் தொல்காப் பியம்போற்றி!
என்றென்றும் புத்தம் புதுமொழியாய் ஓங்கிடவே
தொன்றுதிரு மால்முருகா வெல்லேலோ ரெம்பாவாய்! (24)
முருகன் திருப்பாவை தொடரும்..
0 comments:
Post a Comment