மாயனை, பைந்தமிழ் | முருகன் திருப்பாவை - 05

மாயனை, பைந்தமிழ்த் தென்மதுரை மக்களின்...

(மாதவி நாச்சியார் மனமகிழ்ந்தருளிய)

முருகன் திருப்பாவை-05

(புராணக் கலப்பின்றித்.. தமிழ் மொழி அழகியல் மட்டுமே
சூடிக்கொடுக்கும் “புதிய” திருப்பாவை.

பல விகற்பத்தான் வந்த பஃறொடை வெண்பா 

’ஏலோ ரெம்பாவாய்’ நீங்கலாக)

05/30 | நோன்பு கைக்கூட வாயும் மனமும் வேண்டுதல்!

மாயனை, பைந்தமிழ்த் தென்மதுரை மக்களின்

தூய்மை மனந்தனில் வையை அழகனை,

ஆயர்கள் மேவு-தொல் காப்பியத் தோன்றலை,

நேயர்கள் இட்டதொரு தொன்ம-நடு கல்லினைத்,

தீயினில் கள்ள-வழி பாடுகள் வேண்டிடா

வாயினால் பாடி மனத்தினால் சிந்தனை!

தாயினும் நம்மொழி முல்லை குறிஞ்சியாய்ச்

சேயின் முருகுமால் செப்பேலோ ரெம்பாவாய்!   (05)

---

முருகன் திருப்பாவை தொடரும்..